終於更新啦! 搞咁耐都無更新，梗係要講俾大家知我咁耐做過d咩啦! 1. HKCEE Design and Technology Project 我修設計與科技，所以要做project，題目係設計一個雕塑公園同整模型，整到我抽筋...... (俾少少野大家睇啦!) 
公園現實圖1 
公園現實圖2 (淨係呢兩張野就用兩個鐘去整...何況係十四張現實圖......要命) 
想像圖 -黃昏- (右邊係公園岸，有無夕陽無限好感覺?) 
製成品!!! Project Realization! (in scale down model...) 呢個就係搞到我炒mock geh模型，100%自家製造，不含添加劑或防腐劑......(爛! XP) 個模型係八十六厘米乘一百六十五厘米，淨係塊底板都就黎有我咁高。 做完個project，因為捱得夜多，瘦左。試過三日無訓，搞到第四日訓左二十小時。因為新年假仲做緊，所以mock炒左，真失敗。不過，最少我做得完個CE大project，project分135/145，A左，總算無孤負阿sir的期望，無白費我的心機同健康同mock。好感激俾過意見同幫過我阿sir同師兄，仲有同我一齊捱夜，一齊project奪A，一齊炒mockDerek同Matthias，畢竟五個人中得我地三個A，真係唔容易。 2.Mock exam (之前提過，無謂再講) 3.CE (都考完啦，一定好過mock，唔會炒) 4.Grad din 咁就五年lu... 
同學界槍王合照 
勁人Jeffery, 老友Matthias, Me 
打wargame，online game老友 
未來商界紅人-Leonard 
兩個未來建築/設計師 XD 想到自己八月就要去英國，真係有D唔開心。 五年拔萃生涯，甜酸苦辣皆注在其中，由form1時期一個朋友都唔識，變到宜家成班朋友，當中的經歷，過程，當然不能夠一語盡錄，不是三兩分鐘能說完的。 有一句話說得很對: '夕陽無限好，只是近黃昏。' 中五生涯的確是五年中最開心的一年，但就像夕陽般，美好但瞬間即逝，一去不返。 但也有一句話: '但得夕陽無限好，何需惆悵近黃昏。' 既然天下無不散之延席，只要好好珍惜，享受和朋友一起的一點一滴，珍惜今天和知己一齊的機會，這己經足夠。 在離別之際，大家會擁在一起，哭著，想著一起歡笑的時候; 在重遇之時，大家會坐在一起，笑著，想著以往一齊流淚的時候。 一日是朋友，無論新朋友，舊朋友，永遠都是朋友; 今日是知己，以後都是知己。 中五戊forever! (有關我以前做過咩，可以睇下面個post) | 